MASTER IGERIKETA
MASTER IGERIKETA
Master atala 18 urtetik gorako igerilari, igerilari ohi, triatloilari edo igeriketarekin zerikusia duen edozein jarduerako kirolariei zuzendua dago. Atal honetan entrenamendua da helburu nagusia eta horretarako beharrezkoak diren alderdi tekniko, taktiko eta fisikoak landu eta garatzen dira.
Entrenamendu talde bat izanik, helburua igerilekuko txapelketetarako, ur irekietako txapelketetarako zein triatloietarako igeriketa ahalmena landu eta hobetzea ditu helburu, beti ere igeriketak duen alderdi soziala eta osasun onura albo batera utzi gabe.
INKLUSIOA MASTER IGERIKETAN
Igeriketa Egokituan, nolabaiteko muga funtzionala duten pertsonei eskaintzen zaie igeriketa kirola. Muga hauek jatorri fisikoa zein intelektuala izan dezakete eta maila eta gradu desberdinetan eragin dezakete pertsona.
Master igeriketan, muga funtzionala duen pertsonari kirolean parte hartzea baimentzen zaio, gizarte eta kirol inklusioa helburu hartuz eta jarduera fisikorako aukera eskainiz.
Atalaren helburu orokorrak
Kirol praktika atsegingarri bat eskaintzea.
Igeriketarekiko gustua lortzea.
Garapen fisiko eta teknikoa lortzea.
Kirola egiteko talde egitura bat eskaintzea.
Errendimendu zein partehartzeko lehiaketetan parte hartzea bultzatzea.
Jende berria elkartzeko aukera ematea, alderdi soziala lantzea.
Inklusioa ahalbidetzea.
Informazio orokorra
📍 Lasarte-Oria: "Maialen Chourraut" Udal Kiroldegian📅 Egunak:Astelehena, asteazkena eta ostirala.
🕓 Ordutegiak:
- 7:10 - 8:10
- 16:10 - 17:10
🏁 Denboraldi hasiera: 2023ko urriaren 2an🏁 Itsas zeharkaldi prestaketa hasiera: 2024ko apirilaren 8an
Denboraldiko izen ematea
Itsas zeharkaldiak prestatzeko izen ematea
Izen ematea (2024ko martxoan zabalduko da).
Baja eman
Federatu nahi dut
Klubeko urteko kuota
2023ko urtarrilaren 28ko Batzar Nagusian onartua
Informazio orokorra
URTEKO KUOTA 6 plazotan helbideratzen da, ordainketa erosoago egiteko.
!! --> EZ DIRA JARDUERA HILABETEEI DAGOZKIEN ORDAINKETAK, URTE OSOKO KLUBAREN SOSTENGURAKO EGINDAKO EKARPENAK BAIZIK, entrenamendu epeak irauten duena kontutan izan gabe. Entrenamendu epea desberdina da kategoria bakoitzaren arabera.
Kuotaren ordainketarekin batera, izena emandako pertsona edo bere legezko tutoreetako bat klubeko bazkide egiten da eta horrek, beste gauza batzuren artean, Batzar Nagusian parte-hartu eta bozkatzeko eskubidea ematen dio. Klubeko estatutuak hemen ikusi ditzakezu: https://www.buruntzaldeaikt.eus/assets/files/BIKT-ESTATUTUAK-EUS.pdfDenboraldiko Master atalean oinarrizko urteko kuota 354 eurokoa da, 59 euroko 6 zatitan banatzen dena.
- Familiakide bat--> 6x59,00€ (354€/urtea)
- Bi familiakide --> 6x56,05€ (336,30€/urtea)
- Hirugarren kideak --> 6x29,50€ (177,00€/urtea)
Itsas zeharkaldiak prestatzeko epean, Master atalean oinarrizko urteko kuota 177 eurokoa da, helbideraketa bakarrean pasatzen dena. Apirila, maiatza, ekaina eta uztaila hilabeteak hartzen ditu bere baitan.
- Familiakide bat--> 1x177,00€ (177€/urtea)
- Bi familiakide --> 1x168,15€ (168,15€/urtea)
- Hirugarren kideak --> 1x88,50€ (88,50€/urtea)
Hobariak
- Hobaria lehendabizi kuota txikienari aplikatzen zaio.
- Familiakideen hobariak automatikoki aplikatzen dira (erreferentzia gisa urteko kuota orokorra jartzen da). Bigarren familiakideak %5eko hobaria du eta hirugarrenak %50ekoa.
- DSBE aukeratzen baduzu, hilero, 25a baino lehen, DSBE kobratu izanaren ziurtagiria aurkeztu beharko duzu (erreferentzia gisa urteko kuota orokorra jartzen da). DSBE hobaria %75ekoa da.
Urteko kuotari buruzko informazio osoa eta Egokitzapenak
Helbideratze epeak
Zeharkaldiak prestatzeko epea:
- Helbideraketa bakarreko ordainketa bakarra izena emateko garaian